Endurkoma hamps II

Hemp Revolution, 2. hluti.

Fyrr á öldum voru segl, reiði og þéttiefni skipa, að veifum, flöggum og fiskinetum ógleymdum, iðulega unnin úr hampi og hamphroða. Fram á miðja nítjándu öld var rösklega áttatíu prósent af pappír í heiminum búinn til úr hampi.

Hampur var notaður í dúka og vefnað margs konar enda rakadrægari, teygjanlegri og endingarbetri en bómull.

Olíumálverk Rembrandts, Van Goghs og annarra meistara listasögunnar voru máluð á hampstriga. Sama má segja um litina sem þeir notuðu, því nánast öll málning var unnin úr fræolíu jurtarinnar.

Hampfræin voru auk þess nýtt í matargerð, í grauta og bakstur, enda rík af eggjahvítuefnum. Úr hampi var unnið ljósmeti og var það lengi vel útbreiddasta og skærasta lampaolían sem völ var á.

Hampur gegndi mikilvægu hlutverki í læknisfræði í nær fimm þúsund ár. Frá árinu 1842 til síðustu aldamóta var kannabis innhald rúmlega helming allra lyfja sem notuð voru í heiminum.

Árið 1890 tók breski læknirinn J.B. Reynolds saman þrjátíu ára sögu notkunar kannabislyfja. Hann komst að þeirri niðurstöðu að kannabis væri með gagnlegustu lyfjum sem læknum stæði til boða.

Reynolds benti á að virkni hamptinktúra héldist mánuðum, jafnvel árum saman, án þess að auka þyrfti lyfjaskammtinn. Kannabis naut einnig almennra vinsælda sem hressingarlyf og var hægt að kaupa það í ýmsum myndum í lyfjabúðum.

Undanfarna áratugi hefur átt sér sannkölluð endurkoma hamps. Bæði til framleiðslu á iðnvarningi ýmiss konar og til lækninga.

Heimildarmyndin Hemp Revolution frá 1995 gerir sögu hampplöntunnar góð skil og færir rök fyrir því að hún sé trúlega mesta nytjajurt jarðar.

Hvað finnst þér? Á að afnema hampbannið og framleiða úr jurtinni lyf, vímuefni og iðnaðarvörur?

Prentvæn útgáfa Senda með tölvupóst