Lögregla gegn kannabisbanni

| Ein athugasemd

Law Enforcement Against Prohibition (LEAP) er bandarískur félagsskapur fyrrverandi og núverandi lögreglumanna, saksóknara, dómara og lögmanna sem vilja afnema bann gegn fíkniefnum og selja þau á sama hátt og áfengi.

LEAP berst gegn þeirri spillingu og ofbeldi sem orðið hefur í Bandaríkjunum vegna fíkniefnabannsins. Þau segja að eina leiðin til að sigra í stríðinu við fíkniefnin sé að lögleiða þau og eyða þar með gróðanum og ofbeldinu sem fylgir banninu.

LEAP mælir ekki með neyslu fíkniefna. Samtökin benda aðeins á að þrátt fyrir að fíkniefni geti verið skaðleg, þá veldur bannið enn meiri skaða.

Í því sambandi benda þau á að í skjóli fíkniefnabannsins hefur sprottið upp mikil skipulögð glæpastarfsemi.

Þá hefur mikill spilling þrifist innan löggæslunnar vegna skjótfengins gróða sem hægt er að hafa af sölu ólöglegra fíkniefna.

LEAP benda á að fíkniefnabann samtímans líkist að mörgu leyti áfengisbanninu á sínum tíma. Áfengisneysla margfaldaðist ekki við aflagningu áfengisbannsins. Glæpum snarfækkaði hins vegar og lögreglan fékk önnur og mikilvægari verkefni að kljást við.

Tíma lögreglunnar er betur varið í að upplýsa alvarleg brot eins og morð og nauðganir, fremur en að eltast við friðsama fíkniefnaneytendur, sem í flestum tilvikum skaða engan, ekki einu sinni sjálfa sig.

Talsmenn LEAP segja að stríðið gegn áfenginu hafi verið jafntilgangs- og árangurslaust og núverandi stríð gegn fíkniefnum.

Hér má sjá viðtal við Jack A. Cole,einn af stofnendum LEAP, sem starfaði sem lögreglumaður í 26 ár, þar af 14 ár fyrir fíkniefnadeild New Jersey ríkis.

Prentvæn útgáfa Senda með tölvupóst