Stríðið gegn fíkniefnum III

| Engin athugasemd

The War on Drugs, A War on Ourselves? – 3. hluti. Tenglar í hluta I-II og IV-VI eru hér að neðan.

Í þessari þáttaröð frá 2002 skoðar John Stossel hjá ABC sjónvarpsstöðinni hvaða áhrif fíkniefnabannið hefur haft á bandarískt samfélag og lönd Suður-Ameríku.

Stossel ræðir m.a. við dómkirkjupresta, dómara, lögfræðing og lögreglustjóra.

Niðurstaða þeirra er að bann á fíkniefnum geri ungt fólk handgengið glæpasamtökum og ýti undir ofbeldi og spillingu löggæslunnar.

Stossel ræðir einnig við málsvara fíkniefnastríðsins. Auðséð er á svipbrigðum þeirra að þeir hafa lélegan málstað að verja.

Helstu rök þeirra sem vilja lögleiða öll vímuefni eru:

1) Refsiaðgerðir gegn vímuefnaneyslu skerðir á ósæmilegan hátt frelsi fullorðinna til að neyta efna sem eru ekki skaðlegri en önnur sem nú fást löglega og fangelsar fólk fyrir athafnir sem, ólíkt öðrum glæpaverkum, skaðar ekki beinlínis aðra.

2) Að gera fíkniefnaneyslu að refsiverðu athæfi hefur ekki dregið úr eftirspurn eftir ólöglegum vímugjöfum.

Stór hluti almennings hefur neytt þeirra og auðvelt er nálgast efnin fyrir þá sem á annað borð kæra sig um það.

3) Lögbann eykur hættuna af vímuefnaneyslu með því að neyða neytendur til samneytis við glæpamenn sem versla með fíkniefni sem eru ekki aðeins óheyrilega dýr heldur einnig í vafasömum gæðaflokki.

4) Bann við neyslu og sölu vímuefna skapar menningarkima sem hefur fjárhagslegan ávinning af núgildandi ávana- og fíkniefnalögum.

Atvinnuinnflytjendur og dreifingaaðilar ólöglegra vímugjafa mynda oft á tíðum ríki í ríkinu.

Lögleiðing fíkniefna og sala þeirra undir umsjón opinberra aðila myndi hnekkja veldi þeirra sem ráða fíkniefnamarkaðinum.

5) Ef opinberir aðilar önnuðust sölu fíkniefna væri hægt að skattleggja viðskiptin en fíkniefnasala er nú á dögum stærsta óskattlagða atvinnugreinin í heiminum.

Skatttekjum af sölunni mætti síðan nota til þess að standa straum af endurhæfingu þeirra sem misnota efnin og öðrum kostnaði sem samfélagið ber af neyslunni.

Hver er þín skoðun?

Prentvæn útgáfa Senda með tölvupóst